Tendenser - norsk kunsthandverk

I samarbeid med Galleri F 15 og Norske Kunsthåndverkere turnerer Riksutstillingar den årlege kunstmønstringa Tendenser.
30 år
Galleri F 15 har arrangert Tendenser sidan 1971. I 2003 var det 30. gongen denne store mønstringa av norsk kunsthandverk fann stad. Kuratorar var Anne Knutsen og Harald Solberg. Galleri F15, Norske Kunsthåndverkere og Riksutstillingar har gått saman om å turnére utstillinga til fleire stader i landet.

9 kunstnarar
Kuratorane har arbeidd med sikte på å skape ei utstilling som er representativ for det høge internasjonale nivået som norsk kunsthandverk er på. Ved å setje etablerte, eldre kunstnarar saman med yngre, ønskjer dei å understreke den kontinuerlege utviklinga av den norske materialbaserte kunsten.

Desse kunstnarane deltek: Beret Aksnes, Freidis Einarsen, Synnøve Korssjøen, Helene Kortner, Anne Lene Løvhaug, kunstnargruppa Salt, Lars Sture, Øyvind Suul og Søren Ubisch.